NU LE PA LUNGPUT LE FALE LUNGPUT

 

1. Nu le pa ngeihchiah poh cun fale nih anmah ngeihmi ah an i ruah ve. Asinain fale ngeihchiah cu nu le pa nih anmah ngeihchiah ah an i chia ngam lo.

2. Nu le pa cu fale nih kan duhmi poh kan hal hngam hna, nu le pa nihcun fale hi an duhmi hmanh an kan hal ngam lo.

3. Nu le pa nihcun fale hi an kan zahpi bal lo, asinain fale nihcun nu le pa hi kan zahpi ttheu hna.

4. Nu le pa nihcun fale pawng um hi an cim bal lo, asinain fale nihcun nu le pa pawng sau um nih a kan simh tawn.

5. Nu le pa nihcun fale hi pakhatnak ah an kan chiah, fale nihcun nu le pa hi pahnihnak hmanh ah kan chia kho hna lo.

6. Nu le pa nihcun fale caah sian lomi an ngei lo. Fale nihcun nu le pa caah kan sianmi a tlawmte. 

7. Nu le pa nihcun fale cu a ttha bikmi an kan tinh piak. Fale nihcun nu le pa caah tinh piakmi kan ngei lo.

8. Nu le pa nih fale an kan cawm lio ahcun nu le pa mithmai zoh lo in kan rak nung. Fale nih nu le pa kan cawm hna hnu ahcun nu le pa nih fale mithmai zoh bu tein khua an sa.

Lai Nithla Rel Ning

 

January              =          Tangkhawng

February             =         Nohawng

March                 =         Vaute

April                   =         Vaupi

May                     =        Biangreithlep

June                   =         Pur

July                    =         Chiapa

August               =          Hniang

September        =           Zing

October             =          Tho

Noverber           =          Sikpar

December         =           Dipa

Sunghno kapa (My Father)

 

“Happy (70) years Birthday Daddy”

 

Zingka in ka nupi he kan I chawn kapa kum (70) tling cang le Pathian sin ah lawmhnak  Bia kan chimlai thaizing cu zingka in nan rak zuan hau tiah kanu nih a rak ka chawnh tiah a ka chimh. Kapa kum(70) bak tling manh ko ti ka ti pah in kapa he kan ipehtlaihnak ka vun ruat colh:

 

  Ø  kan hngakchiat lio zan zunchuah thawh hi a rak harngai a ruang cu hngakchia kan ti cu ningtih rak pen ngai a si. Ka u le tlangval nih an rak lentawn hna I an ceih tawnmi cu mithihnak(mithla) kong a rak si theo tawn. Mithla zei si ti thei lo buin ka ningtih a rak pan ning cu chimawk te thalo. Zan I ka zun cuah ah zeitihmahin keimah te lawng ka tho ngam ballo  zeitik can paoh ah kapa tipeng si, zeitluk zantlai zong ah kapa hi voihnih auh a rak hau ballo. Kappa tiah voikhat auh ah hawi a rak tipeng I cuticun zunzun pitu a rak si zungzal. Cu I ka ruahmi(feel) cu kapa  nih hngilh loin a kan congh ko tihding umlo tiah ka hna a rak ngam tuk hringhran.

Mupi sin in cawnawk tha

 

Va lak ah Mupi a cu ngammi cu laangak lawng a si. A keng cung ah a thu i Mupi hngawng kha a cuk Mupi nih zeihmanh a let ve lo, Laangak i a cuk mi lehnak ah a caan zong a pe in a thazang zong a hmang lo. A thla a samh i cunglei tu ah a zuang....sang deuh deuh a zuang tik ah a cutu laangak cu oxygen chambau ruang ah a mah tein tang ah a tla ko....

Cucu Mupi sin in cawnawk tha tuk kan neih mi a si....An doh/kalhtu khi nangmah lehrul hau loin anmah tein an tla te ko lai

=++====+====++=======

The only bird that dares to peck an eagle is the crow. He sits on his back and bites his neck. The eagle does not respond, nor fight with the crow; it does not spend time or energy on the crow. It just opens its wings and begins to rise higher in the heavens. The higher the flight, the harder it is for the crow to breathe and then the crow falls due to lack of oxygen.

Learn from the eagle and don't fight the crows. Just keep ascending. They might be along for the ride but they'll fall off.

kan ca le holh kong lung umbia

Nai ah facebook chung ka relmi cu ram thumnak chin mi kantlau mi nakin kanram chung (kawlrawn) ah ummi chinmi kan holh le ca ah an tlau ning a fak deuh ti a si. Cu nih cun khua a ka ruahter ngai ve. Tlau ciocio cu a khat ko lo hme maw?

Kawlram ah kawl cazoh nih kan ca/holh cawnnak nawl a kan pek lo lio ah Australia hna ah cun a cozah nih kan ca/holh cawnnak nawl a kan pek. kan I lawmhpi cio mi zong a si. Cu kan ca/holh cawnnak nawl pek mi ram ah cun teh kan fanau hna an tlau ne maw? An tlau thiamthiam ko. Tlau ciocio ah Cawnnak nawl pekmi tlau maw fak deuh pek lomi tlau?
Melbourne um ka fanau le nih Niruk ni I Chin(lai) cacawn kal hi an I harh ngai. An mawh lo holhdang cawn hi a har tukmi thil a si(anmah ca cun holh dang a si ko). Bible siang ngakchia nih Greek le Hebrew cawn khi faum a si cio lo. Sianginn ah mirang, Biakinn ah mahholh le mirang cawh, inn tiang ah mirang(nu le pa zong nih holh cawnnak ah kan hman hna I mirang holh kan thiammi hninh/khat cun kan chawnh ve hna cu awh! Ziah na fa cu mirang holh cun na chawnh vun ti ah lehnak cu a sin in holh ka cawng ti khi si ko) zeitin cun hme ti ko! Bia a dih!. An cawnmi kan ca/holh cu class chung te lawng ah hman le cawn si tik ah an thiam tilo I chin(Lai) ca cawn nih a nawr tuk hna.