Tennis vawlei ah Cungcuang Roger Federer

Roger Federer cu Robert Federer le Lynette Federer hna I an fapa ngeih chun a si. 8 August 1981 kum ah Switzerland ram Basel khuapi ah a chuakmi a si. A pa hi Swiss mi a si I a nu tu cu Lynette South Africa mi a si. unau chuahpi pakhat te a ngei I a min ah Diana asi.

A mah hi khrihfa (Roman Catholic) cawnpiaknak tang ah a thangmi a si I Roman Catholic cawnpiaknak hi tha te in a zum I a zulmi a si. rammi sinak pahnih (swiss le south Africa) a ngeimi a si.Holh phun tam ngai a thiam hna :Swiss German (Switzerland), standard german (German), English le French holh hna cu tha tein a thiam hna. Swiss German timi an mah Switzerland hold hi a chuahpimi holh a si.

Swiss miphun a si I a tu ah vawlei cung Tennis tu mithang lak ah a thiam bik pathumnak Association of Tennis Professional (ATP) nih a pekmi a si. a nih hi kum 1998 in tennis tuk hram a rak thawk. October 2002 thawk in a tuthiang vawlei cung tennis tuk minthang lak ah top 10 ah a tel kho peng. Tennis vawlei ah Tuanbia tha um bellomi tete zong tam ngai a tial cang hna.

2000 Sydney khuapi Australia ram ah tuahmi Olympic ah Switzerlang ram aiawh in Tennis a tuk lio ah Switzerland ram aiawh in Tennis a tu vemi Tennis vawlei ah a min a thang ngaimi Mirka Vavrinec he an I tong. Cu kum thawk cun Mirka he cun hoikomh hram an I thawk.  Mirka Vavrinec bel cu a ke khawnden ruang ah 2002 in Tennis vawlei in a din. 11 April 2009 ah Federer chuahnak khua Basel khua pawng Wenkenh Villa timi hmun ah hawikom hna le chungkhat hna theihpinak in sung lawi ngai in Mirka he thitumhnak puai an tuah. July 2009 ah fanu faphiar ( Myla Rose le Charlene Riva) a ngeih hna. 2014 ah fapa phiar than hna I an min ah Leo le Lennart tiah an sak hna.

Mi caah a pum peknak

2003 ah miharsa, a hlei in hngakchia cawm khengtu ngei lo, siang inn kai kho lo pawl zohkhanhnak ding caah tiah Roger Federer Foundation timi a dirh I siang inn kainak ngei lo ngakchai zeimawzat a rak bomh hna.

2004 ah a nu ram a simi South Africa ram chung ummi a hlei in hngakchia pawl sport, I kawikomhnak, fimcawnnak le ngandamnak tbk. ah an thancho khawh venak hnga tiah IMBEWU min bunh in heh tiah cawlcanh hram a rak thawk I bomhnak a rak pek  hna.

2005 US Open ah world no. 1 a rak simi US pa Andre Agassi  cu final ah 6–3, 2–6, 7–6^(7–1), 6–1 bak in a rak phomh I cu a teinakmi racquet cu lilam suai (auctioned) a tuah I a hmuhmi Phaisa cu Hrricane Katrina (2005 ah US ram chung thlichia a rak hrang I thlichia le tilet  thomi ruang ah a tlawm bik 1,245 an rak thi) harthong caah a rak hlut dih.

Federer cu harnak thong pawl cung ah dawtnak le zangfahnak ngaimi asi caah 2006 kum ah UNICEF nih Goodwill Ambassador ah an rak hman I AIDS a karhlonak ding ah fakpi in rian a rak tuanmi a si.

Vawilei cung miharsa, harnak tongmi caah tiah Tennis hi a tu tawn. 2010 kum ah March for Africa min bunh in South Africa Ngakchia sianginn kainak le ei ding peknak caah tiah World No.1 a rak simi Rafael Nadal he an  rak tu I Federer nih 4–6, 6–3, 6–3 bak in a rak tei. cu lio I phaisa a rak chuakmi lebang hi cu  $ 4 million bak a rak si. cu tic un 2014 South Africa Ngakchia Fim cawnnak thiam ah Stan Wawrinka hi a tu than I a phaisa in £850,000 bak a rak cuah I South Africa Ngakchia Fimcawnnak ah lut a rak si.

Tennis Vawlei ah a cawlcanghnak:

1998 kum:

1998 kum ah Tennis tuk zuamnak luh hram a tawk. Ngakchia asi bantuk in Junior ah a tu I Wimbledon ah Boys’ singles final ah Iraki Labadze a tei I pakhatnak asi. Cun Doubles ah Olivier Rochus he an tang ti I Morchawl Lildra le Andy Ram final ah a tei hna caah Doubles zong ah pakhatnak a si.

A sinain US Open tu ah cun Fianl ah David Aalbandian nih a rak ponh bel. 1998 kum chung ah ITF Junior Tennis celhzuamnak ah teinak (Champion) vui 4 a hmu I junior world no.1 sinak zong rak pek a si.

1998 kum dongh lei ah cun senior pawl caah tuahmi Gstaad ah a lut kho ve cang. A sinain a vuikhatnak puai a tuk ah Argentina pa Lucas Arnold nih cei lak in a rak den.

1990-2002 kum:

1998 kum dongh ah Senior ah a tuk hram a tawk I 20 September 1999 ah vawlei cung Tennis tuk thiam 100 lak ah a tel kho. 2ooo ah Marselle Open ah final a kai kho nain Swiss pa Marc Rosset nih a rak tei I Champion cu a rak si lo.

2001 ah Milan Indoor celhzuamnak ah Julien Boutter final ah rak tei I cucu a vuikhatnak Champion a si a si.

2001 ah Grand Slam pahnih Australia Open le Wimbledon hna ah quarter final tiang a phan kho cang, Winbledon le bang ah cun kum 4 chung Champion sinak a kut chung ah a humtu US pa Pete Sampras a rak tei I quarter final a luh cu a si.

2002 Hamburg Masters timi Tennis Celhzuamnak German ram i tuahmi final ah Marat Safin a rak tei. Cu puai I a champion nak in world No.10 chung ah lut kho. 2002 kum chung ah vui 10 final a phan kho I vui 4 teinak a hmuh , vui 6 cu a sung. 2001 kum cu world no.13 in a dong I 2002 ah cun vawlei cung Tennis tuk thiam bik 10 chung hmanh ah 6nak hmunhma a la kho cang.

2003 kum:

2003 ah cun Grand Slam pakhat Wimbledon ah Mark Philippoussis a tei I champion a si kho cang. hihi a vuikhatnak Grand Slam ah champion asinak a si. 2003 kum chung ah Federer nih Association of Tennis Professional (APT)  Tennis Celhzuamnak Pakhua ah final a kai I pasarih teinak a hmuh. 2003 kum cu vawlei cung Tennis tu thiam bik pahnihnak in a kum a donghter khawh.

2004 kum:

Kum 2004 chung ah Federer nih Grand Slam pathum (Australian Open, US Open le Wimbledon) hna ah Champion (pakhatnak) a co caah kum 1988 hnu in 2004 tiang ah kumkhat chung ah Grand Slam pathum a hmu kho pakhatnak a si (kum 1988 ah Mats Wilander nih Grand Slam pathum kumkhat chung ah teinak a rak hmuh bel ve).

Teinak ahmuh ning cu : Australian open ah World no. 1 a rak simi Marat Wilander final 7–6^(7–3), 6–4, 6–2 bak in  rak phomh. Cun Wimbledon ah US pa Andy Roddick final ah  4–6, 7–5, 7–6^(7-3), 6–4 in a rak tei. Cu bantuk thiam in US Open ah Australia pa Lleyton Hewitt (2001 US Open Champion) cu final ah 6–0, 7–6^(7–3), 6–0 arti hmanh khuai lo in a rak den than. Cu ti cun 2004 chung ah APT 1000 le APT 500 hna ah celhzuamnak tuahmi chung ah vui 11 kheng te teinak a hmuh world no.1 a si colh.

2005 kum:

2005 kum chung ah Grand Slam Pali lak ah pahnih hna cu final a phan kho lo: Australian Open Semifinal ah Marat Safin he an I pomh match piont zong a  hmu hmai ko nain Safin nih a rak tei. Cu bantuk cun 2005 French Open Champion Rafael Nadal nih Semifinal ah  a rak phomh ve caah final a phak khawh lo cu asi.

Grand Slam Pali ah Pahnih final a phan kho lo nain Federer cu hrim than I Grand Slam pahnih ah teinak a hmuh than : Wimbledon ah US pa Andy Roddick a tei I a champion. Cun US Open ah US pa Andre Agassi 6–3, 2–6, 7–6(1), 6–1 in a teinak in a champion than.

2006 kum:

Tennis.com Editor Stephen Tignor nih 2011 ah hi tin a rak tial “Kum 2006 cu Federer a van that kum, vawlei cung Tennis tuanbia ah a um ballomi tuanbia tha a tial kum asi.” Puai 92 a tu I vui 5 lawng a sung, Tennis Celhzuamnak 12 ah teinak a hmuh (kum 1984 ah John McEnroe hnu cun cu bantuk teinak hmu kho an um tilo).

Grand Slam pali ah pathum (Australian Open, Wimbledon le US Open ) ah a champion I French Open final ah Nadal nih a rak tei. Kum khat chung ah Grand Slam a pali ning in Final a phan khomi cu 1969 Rod Laver hnu cun Federer lawng a si. Tuanbia tamngai a tial kum a si.

2007 kum:

Grand Slam Pali ning tein final a kai dih. Pathum teinak a hmuh, Pakhat a sung. Australian Open ah Fernando Gonzalez 7–6(2), 6–4, 6–4, Wimbledon ah Nadal 7–6(7), 4–6, 7–6(3), 2–6, 6–2, le US Open ah Novak Djokovic 7–6(4), 7–6(2), 6–4, in a tei hna. French Open bel ah cun Nadal nih 3-6, 6-4, 3-6, 4-6. In a rak tei than. 2007 kong zong world no. 1 in a dong I zarh 52 chung vawlei cung Tennis tu thiam bik sinak a kut chung ah a hmum khawh.

2008 kum:

Grand Slam Pali chung ah pakhat US Open lawng ah teinak a hmu. French Open le Wimbledon ah Nadal nih a rak den cun Australian Open ah Djokovic nih a rak tei I 2008 cu world no. 2 in a dong.

2009 kum:

Grand Slam pahnih teinak a hmuh than : a vuikhat French Open champion sinak ah Sweden pa Robin Soderling 6–1, 7–6(1), 6–4 bak in a rak tei I Wimbledon ah US Pa Andy Roddick a rak tei than I Wimbledon ah Vui 6 champion cotu ah a cang.

Grand Slam Pahnih ah teinak rak hmu hlah hmanh sehlaw final tiang a rak phan kho veve. 2008 ah world no. 2 sinak khan 2009 ah world no. 1 sinak pek than a si.

2010 kum:

Australian Open ah Andy Murray a tei I Australian Open a vui 4nak teinak a hmu lawng si lo in Grand Slam ah vui 16nak Champion a si zong a si. sinain a dang Grand Slam pathum tu ah cun duai ngai US open lebang ah cun 2004 in a ton ballomi quarter final tiang lawng a rak phan kho. Cu caah world no.1 sinak in world no. 2 in 2010 kum cu a dong.

2011 kum:

Grand Slam pali ah pakhat hmanh teinak a hmu lo : Autralian Open, US Open le French Open Semifinal ah Djokovic nih a rak tei. Cun Wimbledon Final ah Nadal nih a rak tei ve. World no.2 sinak in 2011 cu world no. 3 in a kum a dong.

2012 kum:

Kum 2012 ah thil thar ngai a hun chuak than kum thawk January thla Australian Open ah Semifinal tiang a vun phan kho than world no. 2 a phna colh. Wimbledon ah Andy Murray cu 4–6, 7–5, 6–3, 6–4 in a tei a vui 6nak Wimbledon champion sinak a si I Grand Slam ah a vui 17 nak Champion sinak a tinco. 2012 chung ah teinak tam lak a hmuh than caah world no. 1 in a kum a dongter khawh than.

2013 kum:

Hi kum hi cu a keng (back) fahnak nih a tem tawn ngai cang. Grand Slam ah pakhat hmanh teinak a hmuh lo pin ah APT 1000 le APT 500 zong ah a tla ngai ko. Gerry Weber Open te lawng ah teinak a hmuh I 2013 chung ah teinak a  hmuh chun te a si. World no. 6 in a kum a dong.

2014 kum:

2014 ah Federer cu a kut kai ngai than, a Racquet a hman tawnmi 90 square inches in 97 square inches ah aa thleng. Grand Slam ah teinak a hmu lo nain Tennis celhzuamnak ah vui 11 final phan kho. Shanghai ah Champion a sinak in world no.2 dirhman a phan than I Davis Cup zong ah teinak a hmu than.

2015-2016 kum:

Grand Slam Pahnih (Wimbledon le US Open) ah final tiang a phan kho nain Djokovic nih a rak tei. Nai (18-31 January 2016) I tuahmi Australian Open zong ah semifinal tiang a phan world no.1 a simi Djokovic nih a thlak.

Federer nih Fanu Phiar pahnih le fapa phiar pahnih an zate fa 4 a ngeih hna. A tu ah vawlei cung Tennis tuk thiam bik pathunnak dirhmun inTennis a celh cuahmahmi a si. a tu ah kum 34 a si cang nain a tha peng rih. Tennis tuk celhzuamnak lak a sang cem Grand Slam Pali ah vui 17 champion a si cang. A tu lio ah World No. 1 a simi Novak Djokovic zong nih 2016 Australian Open Semifinal ah Federer he a tong ding a si I cu ah a chimmi cu “Tennis atumi lak ah Roger hi a thiam bik ko a backhand hrim a tha tiah a rak chim bal”. Federer zong nih Grand Slam hmuh than ding in zumhnak tampi a ngai Australian Open website ah cun “ Tennis ka tuk ka in a tutiang ka fit (punghman te ka si) peng ko ka upat deuh ruang ah ka kut a tlak hleinak um lo a bik in Australian Open hrim ah cun ka tha kho tuk” tiah a tial.

Vawlei cung Tennis tuk thim lak ah hodah na uar bik? Kei cu Roger Federer ka thim Grand Slam ah a vui 18 Champion a lak than lai hngahhlang bu in.