Indiana minung pathum cu
nau pawi liomi pastor nupi tleihhrem le thah hmuh (case) in tleih an si, hi
lawng hi siloin thil thalo an tuahmi tete zong um len dawh a si tiah nawlngeitu
nih an chim tiah NYdialynews nih a tial.
Nawlngeitu nih an zumhmi cu hi misual hna hi inn tawh (key) a hrenh lomi inn ah Nov. 10 ah khan an lut, cu ah cun Amanda Blackburn (Pastor nupi) cu gym ah a kalmi a vapa (Davey) lawi ngak in a rak um, Jalen Watson le Diano Gordan nih Pastor pa nupi ATM card cu an chuh I an tlikpi cu ah cun Larry Taylor nih hramhram in a tleihhrem I a dih in a lu ah a kah beh tiah Fox 59 nih a chim.
Taylor 18 tlangval
note cu mi inn chung ah phungninglo in luh I thil fir, mi thil chuh, lainawn
lawng siloin licence ngeilo meithal put hmuh (case) in sual phawt a si cang”
tiah Indy star thwngthanh ca nih a tial.
Hi misual hna hi tutan thil pin ah thil sual an tuahmi Mi inn chung ah phungningloin luh I mi thil fir le thleihhrem hmuh (case) pathum tel cu an ngei rih lai tiah zumh a si.
“Hi bantuk thil fak
(ngeihchiatnak) a tongmi dihlak ngeih kan in chiat pi hna, Message tete kuat
nan si tawn bantuk in hi bantuk thil sual hi cu kan mah duh thim cu a rak si
bak loh” tiah Indianapolis palek bawizik nih thanhca (statement) a tial, hi
bantuk thil sual hlethlai le kawl ah rianngeitu hna dinlo te in an um peng ko,
kan khualipi ah hi bantuk lainawnnak le thil tha lo hloh ding rian kan ngeih
tiah palek bawi nih a biapeh a chim.
Amanda Blackburn
(pastor nupi) hi a paw chung a pawimi naute hi zarh 13 a si I amah hi meithal
in kah aton ni te ah a nunnak a liam colh hi a si.
Pastor pa (Davey) le
a nupi nih hin fapa pakhat te an ngeih I cu an fapa te cu kum khat le thlathum
te lawng a si rih. hi bantuk in a nu nih a rak tuar lio ah hin ngakchia pa te
cu an inn cung dot ah nau ihnak te ah ka nu zei a tong ti thei lo te in a rak
um ko.
Pastor pa nih an
tleih hna ti ka theih cu ka lung a deuh ngai ko ee tiah a chim.
A dawtmi nupi tleihhrem pin ah kah piak a tonmi ruang ahThinlung kekkuai in a ummi pastor pa nih “ka chung ah hin huatnak, thinhunnak le thilthalo lawng te a hun chuak zeiti um awk ka thei bak lo nain ngeihthiamnak, vel le ruahchannak lam tu ka zawh ko lai ee tiah thanhca (statement) ah a tial. Kan nu he kum 10 chung kan um tinak in thil pakhat ka cawnmi te a um cucu zeidang siloin dawtnak hi a si, tu chun ah huatnak siloin dawtnak tu hi ka thim ko ee tiah a biapeh Pastor pa nih a chim.
Hi Pastor pa le a nupi hi
South Carolina in a tu Indianapolis ah an rak I thial I 2012 ah a tu an biakinn
(churh) hi an derhmi a si.
Ref.; nydailynews