Kum (2022) ah cun India hi vawlei cung ah minung(population) a tambikmi ram si cang lai..

Vawlei cung minung lu reltu nih a tuak ning ah cun India ram minung hi kum 2022 ah cun China (taluk) ram minung zat a si cang lai tiah zumhnak an ngei.

Hi thawngthanh ca nih a chim ning ah cun Nigeria nih hin 2050 ah cun a tu Vawlei cung ram hna lak ah minung tambik pathunnak ah a ummi US hi a lawnh cang lai tiah thawngthanhnak atuah.

Three Things in Life

Three things in life that, once gone, never come back -

1. Time

2. Words

3. Opportunity

Three things in life that may never be lost -

1.  Peace

2.  Hope

3.  Honesty

Three things in life that are most valuable -

India President hlun APJ Abdul Kalam zun ngai in india rampi atap..

India ram nichuah-chaklei Shillong khua I um University pakhat ah siang hngakchia a pumh hna i bia ruah(chimh) hna lio ah a nunnak a liam hi asi.

A umnak Delhi khua lei ah vanlawng in kal pi ding in a ruak motor nih Shillong in Guwahati airport lei ah a phorh ah hin siang hngakchia minung aza leng hna nih lam kam ah artlang in an dir I upatnak an pek.

Kawlram hlasa lak ah cungcuang Myi Gyi

Kawlram titoih puai chung ah khrihfa mino hna cu kawl pawl puai I va nuam ve lo ding in camp an tuahmi pakhat ah, hlasa ding in Myo Gyi cu an sawm ve, cu ah cun hlasak lawng si lo in hi tin hin a mah kawnglam (testimony) a chimh hna “ Pathian hi ka chung ah a tha I zeizong te ah hin teinak a ka pek ka nunnak caah si ka duhmi hi music lei in minthan hi a si,  cu I ka ruahmi cu Guitar tum ka cawn lai I a tum zong ka tum lai I hla zong ka sak chih lai ti a si.I a tum lei ah ka tha thawn deuh ah cun a tum ah, silo le sak lei in teinak ka hmuh deuh si cun cu tin cun sak lei ah hin ka kal te lai tiah bia khiahnak ka rak ngei”. a ti

Cu ti cun Guitar tum hi ka rak cawng I tanghra (matric) ka awn kum ah a vuikhatnak show an tuahmi ah Guiter tum an ka sawm I ka va tum kho I cu ah cun laksawng zong kyats in 7,000 an ka pek I cu lio ah cun mino kan mah hna caah cun 7,000 cu a rak tamtuk hrinhran ka rak lawmtuk ka chun mang Guitar tum zong ka tlamtlinh lawng si lo in laksawng cu zatzat ka hmuh tik ah um tu zia zong khi ka thiam lei lo, cu ah cun hi tin hin bia khiahnak ka rak ngai  aw Bawipa nanmah thawng in hi hi ka hmuhmi asi ka ti I a vuikhatnak theipar ka hmuhmi a si caah tiah Bawipa sin lila ah ka laksawng cu a za te in cheuhra cheukhat ka rak pek dih a ti.

Taktalawng (naked) in a ummi nu pakhat nih ka tlangvalpa (Boyfriend) tiah auh tih ruang ah pa pawl an zam..

Taluak (China) ram khuate pakhat ah nu pakhat cu a tlangval pa kawl in an mah le mah thei lo tiang in a um.

Cu ka khuate I a ummi nih cun hi nu hi kan hnu thla thum hrawng ah khan kan khua a rak phan na in khawi ka in dah a rat ti cu theih a si lo a ti.

Hi nu hi kum (30) hrawng a si lai tiah zumh a si, a luncia thla thum hrawng ah khan hi khua hi a rak phan I a chimmi cu ka tlangvalpa (boyfriend) ka kawl ti hi asi, nain ka tlangval pa cu hmuh khawh dawh ka si lo tiah a chim tawn.

Kum (18) a simi French nu te AIDS zawtnak in a dam….

Hi nu I a doctor pa nih hi kong lam hi fiang te/tlamtling te in International Aids Society (IAS) conference Vancouver khua ah a tuahnak ah achim.

Hihi a vawlei cung ah vuikhatnak kum saupi cung ah HIV in damnak a hmu thanmi a si lai tiah chim a si.

Netherlands beer company (Heineken) nih kawlram ah $60million dih in beer company tuah…

Nikhat ni ah khan Netherland beer company Heineken nih dollar tampi dih in kawlram chung ah hmailei caah ruah channak in beer company ka tuah tiah thawng thanhnak a tuah.

Hi Heineken company hi dollar 60 million dih in tuah a si I a chung ah a tlummi zat hi hectolitres in 330,000 hi kum khat chung ah a chuah khawh lai I hi company ah riantuan tu ding hi minung (200) an si lai tiah theih a si.

kal/um nak thei lo in awlawkchawng tikulh pakhat ah ummi minung (102) hmuh an si...

Kalram tilawng ralkap nih tikulh pakhat ah kalnak thei lo in, aw lawkchawng in a ummi minung (102) an va hmuh hna.

Global New Light of Myanmar nih report a tuah ning ah cun a bu in a ummi mibu pakhat minung (102) hna cu kawlram tilawng ralkap nih thlanglei Tanintharyi ramkulh chung ah an char hna tiah a chim.

India ah Biaknak hmun thiang a tlawngmi minung 27 nunnak aliam....

India ram thlanglei Andhra Pradesh State um Holy River timi tiva kam ah Biaknak hmun thiang ah a kalmi mipi a tlawm bik ah minung (27) nunnak a liam.

Zeicadah ka puai hmanthlak caah Ruak kuang ka hman...???

Singapore ah a thium dingmi nih a puai hmanthlak caah ruakkuang he hman an I thlak caah online mipi an buai ter hna…

Jenny Tay le Darren Cheng hna nih a ra laimi October thla a um ding an si caah an puai hmanhthlak caah ruak kuang he hman an I thla hi hna pahnih hi an paw cawmnak cu mithi tawlrel rian a si I thihnak hi a zici (importance) mi a si.

“Hi thil kan tuahmi hi kan rian he a thlakmi (kan rian tuanmi ruang ah) a bik in tuahmi a si ko” tiah Ms. Tay Singapore ah a min a thang ngaimi mithi ruak tawlrel tu fa nu nih cun a chim.

Kawlram nih 2030 ah cun a sipuaizi(economy) hi a let(4) in a kai ter khawh tiah ruahnak pe tu nih a chim

Kawlram nih kum 2030 ah cun a sipuaizi(economy) hi a let(4) in kai ternak ding sining(thazang) a ngei, a tu bantuk in a sining a remh than ko I lothlawhnak (Agriculture) in sehlei (technology) lei hi thazang fak deuh pek in kar a hlan ko ah cun tiah ramchung sining hlathlai tu hna sin in theih a si.

Khuakhna lairelnak a tha lo mi(thiam lo) ralkap uknak tang ah caan zeimawzat cu kawlram nih a sipuaizi(economy) kong ah thaw chuah kho lo in a rak um nak in a tu ah rian Million 10 chap in cu rian million 10 nih cun minung Million 18 kha an sifah retheihnak in a chanchuah khawh hna tiah Global Institute ah ruahnak pe tu pakhat McKinsey nih cun a chim.

Roger Federer: Wimbledon Tennis tuk celhzuannak ah a round(4) nak tu kho ding a si cang.

4 July 2015 ni ah khan a round thumnak ah Australia pa Sam Groth he an I tong hi an puai ah hin a ral pa Sam Groth nih hin Serving tuahmi ren ah pakhatnak record a tial. A serving a tha, a serve mi a ren tuk ah hin bullet(meithel Kun) kahmi si ko tiah a min an pek.

Hi ah hin Federer nih a pum cawlcangh ning in a langhter mi cu hramh phahmi Tennis tuknak tual ah master a simi pawl tei na duh hna ah cun meithel kun bantuk in a rangmi ball kha I phet in zeitindah tuah ding a si kha tha te in na theih a hau ti khi a langhter.

Yangon Trader Hotel Bomb puahtu nun chung thong thlak a si...

Nizan( Ninga ni) ah khan kawl ram hotel lak ah a sang bak ti vemi Trader Hotel  ah 2013 lio ah bomb a rak puak cu bomb puahnak kong he pehtlai in minung pakhat an tleih I thih hlan lo thong thlak ding cu pin ah rianhrang kum(5) chung tuan ter ding in biaceih zung nih 3 July ah bia khiahnak a ngeih.

October thla 2013 ah Trader Hotel cu bomb in a rak puah I khual riahnak inn dalkhan pakhat a rak boh dih I cu ah cun kum (43) a si mi American nu cu fak ngai in hliamhma a rak hmu.

2015 Wimbledon Tennis tuk celh zuamnak in tuan te ah dinh ter a si than cang....

vawlei cungTennis tuk celhzuannak lak ah a sang bikmi Winbledon ah vui(2) tiang teinak(champion) a rak hmumi Rafael Nadal cu 2015 wimbledon tennis tuk celhzumnak in tuan te ah dinh ter a si than hoi cang ai!

Dustin Brown, a pa Jamaican, a nu German world No.102 nak a si mi pa nih Wimbledon centre court ah zumh awk tha lo mipi caah kan mang hlah maw a si ti awk te in 7-5,5-6,6-4,6-4 bak in  a tei diam ai! hi bantuk khuaruah harmi thil hi vawlei cung tennis tuk a si lo ah lentecelh zuamnak pakhat khat ah thil a cangmi lak ah thil khuaruah har cem cu a si lai tiah celh zuamnak a zoh tu ceukhat nih an ti.