Vawlei cung minung lu reltu
nih a tuak ning ah cun India ram minung hi kum 2022 ah cun China (taluk) ram
minung zat a si cang lai tiah zumhnak an ngei.
Hi thawngthanh ca nih a chim
ning ah cun Nigeria nih hin 2050 ah cun a tu Vawlei cung ram hna lak ah minung
tambik pathunnak ah a ummi US hi a lawnh cang lai tiah thawngthanhnak atuah.
Hi hnu kum 35 ah cun vawlei
cung minung cheukhat hi cu Africa ram hna chung in an chuak lai ti asi.
A tu lio vawlei cung minung
um zat (population) hi 7.3 billion a si I, kum (2050) ah cun 9.7 billion kan
phan te lai I, kum (2100) ah cun 11.2 billion kan si cang lai tiah chimchung
(predict) nak an ngeih.
A tuning tein India ram
chung minung a than ko ah cun a tu hnu kum (6) hlan ah Chinna ram minung nak in
India minung lu a tam deuh lai tiah UN in vawlei cung minung kan karh (tiluan)
ning a zoh feltu hna nih cun chimchungnak an ngeih.
An thawngthanhnak ah cun kum
(2015) in (2050) karlak ah vawlei cung minung cheuhnih chung ah cheukhat hi cu
vawlei cung ram, ram (9) hna chung in a chuak lai tiah zumhnak an ngei cu hna
ram cu : India, Nigeria, Pakistan, The Democratic Republic of Congo, Ethiopia,
Thanzania, The United States, Indonesia le Uganda hna an si.
Africa State chung ah a ummi
ram, ram (28) hna cu kum (2100) ah khin cun an ram chung milu hi double (let
Hnih) in an karh te lai ram (10) hi cu a let nga in an tam deuh te lai.
A ra laimi caan ah vawlei
cung ah milu tambik an karh te lai tiah zumhmi vawlei cung ah a sifak bikmi
ram(state) Africa cu fak pi in khuarkhua a ruah a hau a minnung hna kha an
sifaknak chung in a chanchuah kho te hna lai lo I pakhat le khat tlukruannak
zong um kho te lai lo I an ram chung minung hna hi rawl ei awk ngai lo in a um
te hna lai I rawl lo ruang ah a chuakmi zawtnak (malnutrition) timi zawtnak an
ngei dih te lai tiah John Wilmoth, UN in
vawlei cung milu zohfeltu Director nih cun a chim.
Ref…BBC