Nau pawi lio Pastor nupi inn chung ah an luh hnawh, an tleihhrem pin ah an thah beh…

Indiana minung pathum cu nau pawi liomi pastor nupi tleihhrem le thah hmuh (case) in tleih an si, hi lawng hi siloin thil thalo an tuahmi tete zong um len dawh a si tiah nawlngeitu nih an chim tiah NYdialynews nih a tial.

Nawlngeitu nih an zumhmi cu hi misual hna hi inn tawh (key) a hrenh lomi inn ah Nov. 10 ah khan an lut, cu ah cun Amanda Blackburn (Pastor nupi) cu gym ah a kalmi a vapa (Davey) lawi ngak in a rak um, Jalen Watson le Diano Gordan nih Pastor pa nupi ATM card cu an chuh I an tlikpi cu ah cun Larry Taylor nih hramhram in a tleihhrem I a dih in a lu ah a kah beh tiah Fox 59 nih a chim.

Libya ram ummi IS ralhrang hruaitu (leader) cu US Van ralkap nih a thah cang..

US humhimnak bu headquarter (Pentagon) nih Libya ram ummi Islamic State (IS) hranghran phu a hruaitu hna kan thah cang tiah an chimmi cu BBC nih a tial.

Hi Libya ram IS ralhram pawl a hruaitu hna hi Iraqi mi a si I a min ah Abu Nabil a si I, Wissam Najm Abd Zayd al-Zubayi ti zong in theihmi a si, a mah hi Al-Qaeda timi muslim ralkap a rak si I ralkap lak zong ah mi thiam sang ngaingai a rak si, a tu ah Libya ram ummi IS ralhrang phu hruaitu bochan ngaimi a si.