US humhimnak bu headquarter (Pentagon) nih Libya ram ummi Islamic
State (IS) hranghran phu a hruaitu hna kan thah cang tiah an chimmi cu BBC nih a
tial.
Hi Libya ram IS ralhram pawl a hruaitu hna hi Iraqi mi a si I
a min ah Abu Nabil a si I, Wissam Najm Abd Zayd al-Zubayi ti zong in theihmi a
si, a mah hi Al-Qaeda timi muslim ralkap a rak si I ralkap lak zong ah mi thiam
sang ngaingai a rak si, a tu ah Libya ram ummi IS ralhrang phu hruaitu bochan
ngaimi a si.
Pentagon in chimnak nawl a ngeimi Peter Cook nih cun hi thil
a caan hi ninga ni (fri-day) zanlei Paris ah tapung pawl nih mipi lak ah bomh
an puah hlan ah khan a cangmi a si ti.
“Hi Libya ram um IS ralhrang phu hruaitu Nabil thihnak nih
hin Libya IS pawl hi an tha a derter ngaingai hna lai, thil tuah ding tiah an
rak I ruahchanmi pawl zong pahpalawng ah a cangmi tam ngai cang lai, a bik in mipi kan sin ah rak I fawnh
uh tiah soilemnak tuah zong hi an zang a tlung lo ngai cang lai tiah” Pentagon
in chimnak nawlngeitu Cook nih cun a bia peh a chim.