 |
| A Pasal Nu |
Tu kum India ram linh cu a titi awk tha lo in a tuah. Linh
tuk ruang ah mi tam ngai an thi cang, India cozah nih an timi cu hi linhnak
tuar ruang ah a thi(nunnak) liammi cu Rs.100,000 pek si hna she tiah thawng
thanhnak an tuah.
Hi ah hin nai hrawng cu India Ram thlanglei Andhra Pradesh
state I khua fate pakhat a si mi Nandigama khuami hna cu a cozah zung le sii
inn penh in thihnak certificate tawlrel ah an bawilulh hna.
Cu hna lak ah cun kum(23) a si mi Dhan Lakshmi a fale pathum
le a pasal I a nu he khau a sa mi nih cun hi ti hin a ti.Ka Pasal Gopu
Chandraiyah thihnak certificate ka buaipi ve I hohmanh nih an ka than pi duh
lo a ti.
A Pasal hi inn khat hnu inn khat, luh/cuah in nithawng chia
remh in phiasa inn chungkhar khua saknak ding ah a kawl lengmang mi a si. Kan
hnu zarh chung kha Nandigama khua le India ram chung cheukhat cu a linh a san
tuk I temperature 48C (118F) a phanh caah a cozah nih leng chuak lo in inn te ah a
dor ding in tlang an au, a sinain ka pasal cu(Gopu Chandraiyah) cu kan si a
fah tuk caah nikhat te zong dinh awk a
tha lo, leng a chuah lo I phaisa kawl lo ah cun a thi ding kan si caah leng
chuak in phaisa kawl cu a thawh than, nikhat cu chun lai ah a rak lawi(tin) I a
mah le mah aa thei ti lo a luak a luak inn pa cheukhat bawmhnak in sii inn ah
kan tlikpi. Doctor pa nih a thlawpbul ko na in rau lo te ah an kan liam tak.
“Hi ka va thihnak
Certificate tuah piak ding ah nawl ngei tu hna a tu le a tu ka fuh len hna na
inn an zei ti a poi lo an ka bawm duh bak lo kan sining(thih ning) te cun Rs.
100,000 hmu ve ding kan si nan in an kan hnawn tiah” kum (23) a si mi Dhan
Lakshmi nih a chim.
Andhr Pradesh nawl ngei tu nih hmasa thawng an zamh ning ah cun hi khua caan
linh tuknak ruang ah minung 3,000 nunnak a liam cang an ti na in a tu ah cun
minung 1,761 in thawng an thanh thann.
Family tampi an ra I report an rak tuah khua caan linhnak
ruang ah ka u thi/ka nau thi tbk. A ruang cu a cozah sin in tlawm hmuh an duh
hna ruang ah a si tiah nawl ngei tu hna nih a chim ve.
Hi khuacaan linhnak in nunnak liam ruang ah a cozah nih pek
ding timi Rs.100,000 hmuhnnak ding zuam ding tam tuk thil har taktak a si tiah
cu ka khuami pakhat nih a chim, a ruang cu nan thih ning zong hi, hi khuacaan
linh ruang zonng ah a si lo ti kan tong, a phunphun in lih puh kan si tiah cu
pa nih cun a chim chap.