LAIRAM TUARNAK CAKUAT

By.... HK. Biak Tin Thang(Malay Sia)

Kan i tthan ah khan nangmah nakin keimah ka celh deuh rua lo ka ti,Lairam chuahtak ding in nai vun I thawh ah khan,taktak le ngaingai lo ah cun ka thinlung hi kehkuai dih ai tim.Nai theih hlan le na semhlan in keimah ka si khawh chung in kai rak i zuam ve i hmuhnuam le zohnuam ah tiah,Tlangsang tthattha Ruungtlang,Meepi tlang le vuichip tlang tbk. le Horkuang tthattha ka rak in chiah piak. Cun, tlangsang kip ah anmah le an sining cio in Thingkung, ramkung le Pangpar phuntling kan chiah piak.
Kehthei,Farkung,Fahia,Laithing,Vaurawng,tbk. Tlanghrawng kip ah Pangpar dawhdawh hna Ram dang hmun dang nih ngeih khawh lomi chawkhlei, dingdi,vaurawng,Thingkep,Mitkhuhpar,Chengchar(cherry par) tbk. Hna nih an mah le an can/sining cio in Lairam dawhter ding ah ka chiah piak fawn hna. Tlangsang cung in van a zuang va phuntling hna nih an aw dawhdawh in zaihla an sak thawng le thlithiang an hran dan nih khawika ram vaihai lo ding in ka chiah fawn. Cun,Tiva zoh dawhdawh hna ka chiah hna i a chung ah nga phungtling ka chiah fawn hna, Cangttial, Ngapum, Ngaremh, chambak, japannga, Ngarul, Ngaleng...tbk..a phunphun in kan chiah piak fawn. Eiawk ti le rawl ti ah keimah ka sikhawh tawk in Tlanglo siseh,Tulo in siseh facang, fongvui(kaawm), fatun, aalu, chi, Kawhra, ba, bahrum, pee a dangdang hna an mah le an ngeih mi cio thawtnak chuah in kan chiah piak fawn hna.Cun Saram sa ah siseh inn zuat satthil sa ah siseh kei ka si khawh tawk in kai zuam fawn, taktak le ngaingai ah cun aw, ram dang nak cha cun saram sa nana ah cun kan eithawt ter deuh men lai. Acaan ah sakhi sa,sakuhsa, nengpi tiang in le zusa vasa tiang in kan chiah piak ko.Dintithiang hlim te  kan chuah ter piak fawn ko cun A.C.(air conditional) hau lo te in thlizil thianghlim siseh,hnipuanhrukaih ah laipuan ka ti lai coat tbk. In ka si kawh chung in kanram in chuah khawh ka zuam ka tlamtlinh lo ah le Kawlte asikhawh chungin hnangam te in kan chiah piak fawn.

Sihmanhsehlaw, Kei (lairam) chuahtak in Ramdang hna na phak tik ah hin ka celh ve hrim lo dakaw. Dang khat lei in KanHloh,kan ca,kan nunphung le kan nunphung hna thlau in Miram dang hna nunphung nai cawn ve lai mi ka ruah ah hin ka celh hrim lo dakaw fahniang aw...Cun, Kum zeimawzat a rauh ah khin miphundang he i cawh in Hmur chah pipi , Vunrang pipi,hmul ruh pipi hna damdam tlai in le kan kar ah holh let an um lai mi hrim ka ruah ah hin ka lung amit cang.Hmansehlaw, a tu ni na nundan te hin rak i zuam peng law, hmailei ah ramhruai tu, bochan/hngatchanmi siding in le a bik in techin/fapar hna caah nungphung tha le kan holh/ca chim kho tu si kha rak i zuam fawn. Cun abikin ramdang nih an kan tluk lo mi kan nunzia(nunphung) asi mi, Chiatpang, thatpang ah mi kan i runven mi te hna kha cu philh hrihrim hlah law..

Zeitiang khi dek nangmah zunngaih in le na hun kiarthan lai mi hngak in le lairam caah suttung bang na dir than lai mi ni le can hngak le ngaih tuk bu tein..zangmang chiabang ka hrum tawn ee..