Kum 80 chung ah Japan/Asia mi chung in a vuikhatnak French
open ah quarter final a phan khomi Japan kum (25) pa te Kei Nishikori.
Hi Kei Nishikori tu kum 2015 French Open a phaknak cu nizan
Pathian ni/zarhpi ni ah khan Teymuras Gabashvili timi Russia pa he an I tong I
6-3, 6-4, 6-2 bak in a piat in a tei colh cu Russia pa a teinak in hi quarter
Final a phak hi a si.
A mah nih a ti mi cu tu zarh chung I ka tinhmi cu quarter
final phak khawh hi a si a ti, a ruang cu kan hnu kum ah khan hi French Open ah
hin first round lawng ah a lang I a mui hmuh awk um ti lo. U.S open tu ah khan
Final tiang a phan kho Marin Cilic nih a tei I si.
Hi ti quarter final ka phak khawhnak hi ka tha pah ve
hrimhrim I si ko, hihi cu ka thawk ka lawng a si I hmailei zong ah ka pehzulh
khawh ko lai tiah ruahchannak ka ngei tiah a chim chap.
Kei Nishikori hi hi French Open lawng hin si lo in U.S. Open
zong ah Asia mi lak in a vuikhatnak final a phan kho mi zong a si I, vawlei
cung Tennis tuk nak ah rank (10) nak a phan kho mi asi.
Hi Nishikori nih hin a tu ah cun Japan pa 1931 le 1933 hna i
hi French open ah semi-final tiang a rak phan kho mi Japan pa Jori Satoh I ka
keneh kha a zulh khawh pah cang, “vawlei cung ah thil thar/ tuan bia tha tial
ding I a tam ngai, kan nih Asia mi kan ca ah cun hi clay court(vawlei dip) phah
mi cung ah hi ti Tennis tuk hi cu a har ngaimi a si, na in a tu ah cun
step(kar) pakhat ka hlan khawh cang, hi ka zia hi thinh lo in peh zualh khawh
peng ka zuam ko lai” tiah Nishikori nih a chim.
Jo-Wilfied Tsonga he quarter final ah June 2 ah a tong ding an si ngeih um ngai ko.
Jo-Wilfried hi round(4) nak ah Czech Republic pa Thosmas Berdych he an I tong I
6-3, 6-2, 6-7(5), 6-3 in Czech pa Berdych cu a tei I a tu Kei Nishikori he
quarter final I an I ton ding cu a si ngeih um ngai ko hih
Asia caah tuan bia thar tial tu Kei Nishikori kum (25) te
lawng a si rih ruahchannak tam pi a cung ah um ko…