Kan fale nih zohdawh lo in tlawnlen , kan thin hna an hmur ka in maw si lo ah a cawlcangh/umtu/hawhar nak in an kan van tongh tik ah thinlung fak in angki thil puan zong a poih dih in aa za she pa si nu si ka fuam ti lo ti in um a fawi ti, na in thil pakhat um mi cu kan bible ca chung ah Jesus nih zei tin dah ngakchia a cawn piak hna ti mi a si..
· Nu le pa caah hihi a bia pi ngai mi caminpuai pakhat a si.. kum hnih a si mi kan fa nu/pa nih thil ei mi kha laak in vampang hna ah cheh. Cun kum 14 a si mi ka fapa nih bia chiakha in an kan leh/ti tik ah aaa za za seh ti in motor/motor cycle mongh in an sin in lam hlat pi ah kal diam duh a fawi te.
· Na in a dongh nak ah cun kan fa le cu kan dawt thiamthiam ko hna. Cu har nak pawl hna nih cun kan fa le si nak an thlau kho bak lo cu cah donghnak a ngei lo mi hnangamnak,fimnak le lamhruitu ah kan bible rel hi a bia pi tuk hrinhran..kan bible ca chung ah zei tin dah Jesus nih ngakchia a rak cawn piak hna?
Kan bible ca nih zeitin dah fa le dawtnak ding kong ah an kan chimh?
1. ngakchia sin in lunglawmhnak kawl
Salm 113:9 ah kan hmuhmi cu fa a ngei mi lunglawm mi nu ah a ser hna, cun salm 127:3 ah cun fa le hi Bawipa sin in ka hmuh mi ro(thluachuah) an si ati.
Ralkap kut chung cantiang bantuk an si ati.
Vawilei ah fale sin in lunglawmhnak hmuh ding hi a biapi ngai, fale nih hin lunglawmhnak an kan porh tawn. Pathan rosung an si.
2. Lung Nem le thin fualnak te in zoh khanh
Jesuh hi ngakchia hna dirkamh tu tha ngai asi. A zultu pawl kha hi ti hin ralrin a pek hna “Hi ngakchia tete pakhat khat hi keimah an ka zumhnak in a pial tertu hna cu, an hngawng ah facang rialnak lungrum nganpi I thlaih hna selaw, rili chunag ah paih si hna sehlaw an caah a the deuhhnga” (Mat. 18:6)
Jesuh cu ngakchia tete he a pawlkomh/tlawnling te hi a duh/uar ngaimi a si, a uar lawng si ko in a sin ah ra ding in a auh(akawh) tawn hna. A zultu nih ngakchia kong ah an rak mawhchiat lio ah khan Jesuh nih hitin a ti hna “ngakchia cu ka sinah ra ko hna she, dawn hna hlah u; zeicahtiah vancung pennak cu hi bantuk mi hna ta hi pei a si cu” tiah a rak ti diam ko.
Zeitik hmanh ah Jesuh nih hin ngakchia cu a mawhchiat bal hna lo mawhchiat cu chim lo hi ti tu in a zultu kha a cawnpiak hna “Hi ngakchia tete hi pakhat hmanh zomhtaih hna hla u, annih a vengtu hna ding an vancungmi kha vancung khua ah ka pa hmaika ah an um zungzal ko”a ti
3. Phunning te le nawlngeihnak te he chimcawn piak hna
Kan caan sunglawi kha an mah he hmunkhat ah um ti thil dik thil hmaan cawnpiaknak ah kan hmanmi hi thil dangdang va cawkpiak e.g. lente celhnak,meithel,inn,motor Tbk. Va cawk piak lennak in a tha deuh...Jesuh nih a kan cawmpiakmi cu na fa kha thil ta pe(tuahpiak) ti si.fale caah thil tha bik cu na caan sunglawi an ca piak hi asi.
Thlacam ning, carel, riantuan, mibawmh zeitindah upa hmai (mihmai) ah thatder/ tlawnlen si ti hna kha na caan sunglawi pek in chimhding.
Eph. 6:4 ah ngakchai hna nan nu le nan pa upat hna u, tiah akan cawn piak ngakchia nih nu le pa hi upat ding hrimhrim si caah bible ca he cucu cawnpiak hna.
Johan nih cun ka fa le hna bia tak ah an um ko ti thawng ka theih hlei in thawng tha um ti lo tiah a ti…na fale kha lamdik lamhman ah na hruai kho hna maw cu nak in a tha deuh mi thawngtha um ti lo..
4. Lamding na cawnpiakmi an zul duh lo tik ah a sung pe hlah
Jesuh nih fapa tlua pa kong a kan cawnpiak. Zei tluk in dah a pa lung a fahter inn a chuah tak, nuncen dawh lo in zalam ah a tlawngleng, a phaisa vial te a hman dih na in a pa nih cun lung sau in zeitin a tin lai ti kha a rak hngak, zeitik hmanh ah a thinlung innkhar a khar khenh bal lo. A ngeih thiam I puai sung laawi a tuah piak.
Kan fa le nih thil tha lo tuah an I thim caan um ko lai, kan cawnpiakmi hna lak duh lo in lam dik lo ah an pial thluahmah caan zong um kko lai, acaan caan ah cun cu lam tha lo an zawhnak hmun in kir duh lo in an um caan zong um ko lai, sihmanhseh an caah zumhawkthlak te le dawtnak te he an caah thlacam piak zungzal ding kan si ko an kir caan um te ko lai.
5. Na fa le sin lila in nun cawng
A bik in ngakchia cu a lung a thiang, mi an zum, zirtiannak an ngei lo a hman mi kha a hman an ti I a hman lo mi kha a hman lo an ti ko, cu caah cawnpiak a fawi. Jesuh kha a zul tu nih vancung pennak ah a ho dah a ngan bik tiah bia an hal a lehmi hna cu “ vancung pennak ah a ngan bik mi cu midor ah a dormi hi hngakchia bun ah a cang mi cu a si” a ti.
Cu caah ngakchia bantuk in kan lung a nem, kanlung a thian, mi tawi ah kan I dor chimh cawnpiak khawh mi kan si ah cun nikhat hnu nikhat Jesuh he kan I tong in ka I neih deuh ve ko lai. Kan fale hna sin in nun cawn ding I tam pi um I Jesuh zong nih tampi an kan cawnpiak kan fale sin in tawidornak lungnemnak cawn ve hna she
kan fa le nih kan thin a kan pawh kan duh lo ning in an tlawnlin tik ah a hmasa bik ah bible ca kau, bible ca fimnak hnangamnak in a khat mi pathian bia a si, fa le cawnpiak ning zong tampi an chimh lai, na fa kha bible hmang in cawnpiak ko na caan sunglawi pe fale hi pathian sin in kan hmuhmi thluachuah rosung an si…..