Khua pakhat ah a fel taktakmi cameraman a um ti a si, a rian
ah hin zei te hmanh khi chambaunak/tlamtlinglonak um ter a duh bak lo mi a si.
Zei thil a tuah poh ah tlamtlinh ter a zuam peng I mi zong
nih an upat arian zong a tei I a rain hmang in Pathian
zong nih thluachuahnak a pek ngai. Hmanthlak a hlam/tlenh lo mi an um tik zong
ah a fel tuk mi si kaw duh bak loh, heh tiah lampi tawn zong ah na hmanthlak rak
hlam Phaisa rak i put ti khi si ko.
Kha hlan chan/kan rak ngakchiat lio kan ti lai cu mah lio
khan cun kan theih cio bang a tu I digital camera tu te ah thlak I a that lo ah
cun delete tuah than I thlak than hei ti a ngahmi phawl kha cu a rak um loh cu awh!! a tu tuah cun duh poh in phon hna in i thlak khawh a si cang hmanthlak zong a sung lem ti loh.
Kan ngakchiat lio ah khan cun a tu ban tuk rak si ve hlah kaw hmanthlak hi a sung tuk, hman kan I thla cang lai ti ah khin cun kan rak I tamh I tamh hna I cu hnu cun sunglawi ngai in kan
rak I thla tawn.
Cameraman pawl nih rak hmanmi Camera cu a chung ah film
saupi a zelmi chiah mi asi I ready..ready hei ti I chok tiah vun hmeh I a that
zong that lo zong ah kherh/delete leng zong hngah ti lo mi a si I thlak cang mi
cu a that zong that lo zong ah Cameraman pawl nih an tawl I duh zong duh lo
zong ah tlenh/hlam a rak si tawn cu caah hlanlio kan pa/nu pawl hmanthlak hna
khi zoh tik ah ziah hme mah ti hin hman an I rak thlak hna ti dingmi tam ngai
tawn.
Chim duh mi cu hmanthlak hi a rak sung tuk I, tha lo nawn I
kan I tlak ah cun sungh cikcek khi a rak si. Cu tik ah hmanthlak a tha sual lo
ti rak phan tuk si kaw Cameraman pawl nih hin an camera a vun hmeh hlan te ah
khin ready..ready an vun kan ti hnu ah clakk/chuk tiah vun hmeh a si tawn ready
vun ti ta lo I thla khi cu tih a nung tuk…
Nikhat cu vanchiat ah cu khua ah cun ruah lo pi in an khua I an
I bochan ngaimi a rum zong rumngaimi hna chung I an fa pa upa chem nih aliam
tak hna ai! An dawttukmi nih le si kaw a ruak cu Hmantlak piak an duh mi an hei
fial hna I an khua I cameraman fel ngaimi cu an kawh piak hna Cameraman pa cu a
ra ti a si, inn chung ah cun an tap lulh ko hna Cameraman pa cu inn chung ah cun a vun lut, kha..khah dai ta uh hmanthla tu pa nih hman
vun thla ta seh in ti…Cameraman pa cu a vun remh..a vun remh hnu ah a vun ti mi
cu khah ka thlak cang lai... ready..ready Chok tiah a vun hmeh ko ai, mi thi pa
zong cu a rem ngai ti a si. a fel bak ko a rian a tlawlh bak lo ready te zong cu tiah an khua pawl nih cun a thatnak a chim lulh ko ti a si...